Bombon, Ty rojbrze! (wersja śląska)

Bombon, pryngowany dachowiec ze flekym na nosie, to je nojbarzij niyôbyczajny kot na świecie: skoko weterynorzom po gowie, jeździ na hokejowe szpile ze swojim małoletnim posiedzicielym, walczy ze cwitrami, co udowajom potwory, pomogo we ôdrobianiu domowych zodań (a tyż przi przistrojaniu krisbaumu na Gody) i robi moc inkszych rzeczy, co ich koty zwykle niy poradzom. Słodke miano myli: niyôbyczajny czworonog porzond sie poro jedzyniym, spaniym i rojbrowaniym. Rod mo dobro zobawa i niyzalezność, a ôkrom tego – toć, niychconcy – niyprzestannie przinosi turbacyje familiji, co ś nim miyszko. Bestsellerowo ksionżka „Bombon, ty rojbrze!”, co zaczyno cołko seryjo (dotond pokozało sie jedynoście tajli przigod ôd Bombona), była wpisano we 2017 roku na wykoz szkolnych lektur Ministerstwa Edukacyje Norodowyj (klasy I-III). Ksionżki ô Bombonie, dziynki wybornymu humorowi, doskonałymu – prostymu i zrozumiałymu, a przi tym moc bogatymu – jynzykowi i tradycyjnym wertom, jake przekozujom, ône som spaniało propozycyjo do nojmodszych Czytoczow, co zaczynajom swoja przigoda ze literaturom. „Bombon, Ty rojbrze” to ślonsko edycjo lektury „Cukierku, Ty łobuzie”.